ليه كل حاجه حلوه عمرها قصير

ازيكم ياجماعه كل سنه وانتم طيبين دي اول مشاركه ليا هنا ف المنتدي

بس بجد انا كنت عايزه احكي موضوعي واشوف ردودكم عليه

انا كنت مخطوبه بس خطوبه صالونات يعني مكنتش اعرفه ولا يعرفني بس حبيته وحبني من يوم ماشوفنا بعض
واهله كانوا فرحانين بيا اوي وانا كمان كنت حباهم اوي وبجد حبيت الشخص ده بجد لان عمري ماحبيت في حياتي
مكنتش بقتنع بالارتباط خالص واول واحد احبه بجد واتعلق بيه هو ده وفضلنا مخطوبين لحوالي شهرين وكان خلاص حددنا ميعاد الفرح وكله وجه بعد فتره لقيت اهله بيقولولي انهم مش هيقدروا يكون الفرح زي ماتفقنا ف الميعاد وان انا استني سنتين او اكتر او اقل تبع الظروف يعني المهم ان الكلام مكنش بيقول استني كان الكلام بيقول خلاص يعني المهم ان هو متكلمش وكنت اكلمه ميردش كنت عايزه افهم منه عايزني ولا لا اعد اتصل بيه لحد ماخلاص قلعت الدبله ووديتهاله ومبقتش اتصل وهو ولا كان بيتصل ولا حتي بيرد عليا وبعد مالموضوع انتهي بشهرين اتصل بيا وعايز يرجع بس اكيد مش خطوبه لان لسه مش جاهز وانا مش عارفه اعمل ايه انا لسه بحبه ومش متخيله نفسي مع حد غيره مهما حصل وف نفس الوقت ده واحد باعني ومسألش فيا وانا مش من طبعي اني اكلم حد من غير موضوع رسمي مش عارفه اعمل ايه حد يقولي ياريت اللي يقرا موضوعي يرد عليا ويقولي ارجع ولا افكر ف كرامتي؟.؟؟؟؟؟