اضحك كركر نكت نكت نكت نكت

--------------------------------------------------------------------------------




واحد بلدياتنا سافر بره ... أهله بعثوا له برقية : " ارجع فورا ... أمر لا يحتمل التأخير " ... رجع على اول طيارة ... قابل اخوه الكبير فى المطار تعبان وحالته حالة ودقنه طويلة ... قال له : فى إيه؟ طمنى ابويا جرى له حاجة ؟ راح مطبطب عليه وخده فى حضنه وركبوا العربية .
لقى أخوه الثانى فى العربية تعبان وحالته حالة ودقنه طويلة ... قال له : فى إيه طمنى ابويا جرى له حاجة ؟ راح مطبطب عليه وخده فى حضنه و سافروا البلد . أول ما وصلوا البيت لقى أخوه الثالث على باب البيت تعبان وحالته حالة ودقنه طويلة قال له : فى إيه ؟ طمنى أبويا جرى له حاجة ؟ راح مطبطب عليه وخده فى حضنه . دخل أوضة ابوه لقاه فى السرير نائم تعبان وحالته حالة ودقنه طويله قال له : فى إيه طمنى يا أبويا ... إنت كويس ؟ رد علىّ ...
رد ابوه بصوت ضعيف و قال له : يا حسنين يا بنى ... وديت ماكينة الحلاجة فين ؟
---------------------------------------------------------------------------------------------------
بلدياتنا واقف جنب التليفون متلثم ... ليه ؟ الخط متراقب
---------------------------------------------------------------------------------------------------
بلدياتنا مسكته الكهرباء ... قال لها : سيبى و أنا أسيب !!
---------------------------------------------------------------------------------------------------
بلدياتنا حب يشرب سيجارة حطها فى كوباية
---------------------------------------------------------------------------------------------------
الموساد قرر إنه يشغـّل بلدياتنا جاسوس عنده ... بعد طول بحث إستقروا على هريدى
راحوا لهريدى و أخدوه تل أبيب و قعدوا يدربوه 6 شهور و بعدها قالوا له أنه كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. حترجع مصر و تنفذ كل التعليمات اللى قلنا لك عليها
هريدى : طب ازاى حاتصل بيكم
مدرب الموساد : لا لا .. انت ما تتصلش .. احنا لما نحب نتصل بيك حا نبعت لك مندوب يقول لك ازايك و ازاى امك .. تعرف إنه تبعنا .. ماشى يا هريدى ؟
هريدى : تحت أمرك يا فندم
و فعلا رجع هريدى لمصر .. و بعد شهرين أحس الموساد انه لازم يتصل بهريدى ..فراحوا باعتين له مندوب
المندوب سأل بواب العمارة بتاعت هريدى : هو هريدى ساكن فى أنهى شقة ؟
البواب : أنهى هريدى يا بيه .. العمارة فيها 4 هريدى
المندوب خاف العملية تنكشف فقال له : قول لى شقة أى واحد فيهم ...
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : إنت هريدى ... إزايك و ازاى أمك ؟
هريدى : لا مش أنى ... إنت عايز هريدى الداسوس .. هو ساكن فى الدورالرابع
---------------------------------------------------------------------------------------------------
واحد بلدياتنا شغال في السعودية بعت لأمه كيلو شيكولاتة فاتصلت عليه وقالت له : الصابون اللى إنت باعته بيوسخ الهدوم ...
---------------------------------------------------------------------------------------------------
بلدياتنا سافر امريكا شرب من حنفية اوتوماتيك ما عرفش يقفلها ... قام راجع على أول طيارة لمصر ...
صاحبه سأله : كيف امريكا ؟ قام قال له : إسكت ... زمانها غرجت يا بوووى ....
---------------------------------------------------------------------------------------------------
لماذا لا تشرب زوجة بلدياتنا الماء طوال فترة الحمل ؟ !! حتى لا يصدأ القفل الذى فى بطنها
---------------------------------------------------------------------------------------------------
تسعة بلدياتنا عايزين يرَكـِبوا لمبة ... كيف يركبوها ؟؟؟ واحد يمسك اللمبة و 8 يلفوا السقف حوالين اللمبة
---------------------------------------------------------------------------------------------------
واحد عصبى إتجوز واحدة عصبية الدكتور بيولد مراته ... نزل الواد يقول للدكتور : إبعد إنت أنا هانزل لوحدى
---------------------------------------------------------------------------------------------------
مرة حرامى سرق فرخة وراح ياكلها على شط النيل ... شافه عسكرى وقال له : مسكتك ياحرامى الفرخة ، والريش جنبك اهه ... الحرامى قال له : لا يا شاويش أنا ما سرقتهاش ... دى نزلت تستحمى وقالت لى خللى بالك من هدومى ...

---------------------------------------------------------------------------------------------------
مرة بلدياتنا قعدوا يغسلوا الحيطان بالمياه لحد ما واحد منهم مسكت فيه الكهرباء .
قعدوا أصحابه يشدوه و يضربوه علشان يبعد عن الحيطة ما عرفوش ... لحد ما ودوه المستشفى ولكنه مات . تقرير الطبيب الشرعي قال : سبب الوفاة ضرب أفضى إلى موت ...
---------------------------------------------------------------------------------------------------
مرة واحد بلدياتنا بيلعب فى مناخيره ... كوعه إتحشر
---------------------------------------------------------------------------------------------------
واحد بلدياتنا جَـوِّز بنته ... تاني يوم لاقاها قاتلة العريس
قال لها : عملتى كده ليه يا بتى ؟
قالت له : الشرف غاااااالى يا بوووووى ...
---------------------------------------------------------------------------------------------------
مرة الجماعة بلدياتنا عملوا اجتماع يناقشوا فيه تأخرهم العلمي .
فقام واحد منهم يقول : أمريكا طلعت القمر قبلنا و إحنا قاعدين
قام رد عليه واحد تانى : خلاص احنا لازم نطلع الشمس .
فقال له : بس احنا كدة هانسيح
رد عليه : يا غبى ... احنا هانطلعها بالليل
---------------------------------------------------------------------------------------------------
بلدياتنا جاله تلغراف من البلد مكتوب فيه : مراتك ولدت والجاموسة ولدت ...احضر فورا للتعرف على المولود
---------------------------------------------------------------------------------------------------
اتنين ستات عواجيز نفسهم يتجوزوا وطبعا مش لاقيين عرسان ... فكروا يعملوا اعلان فى الجرنال كتبوا فيه : تزوج واحدة ... و احصل على الثانية مجانا
---------------------------------------------------------------------------------------------------
مرة 8 بلدياتنا كانوا مسافرين القاهرة يزوروا واحد صاحبهم فراحوا الموقف وإختاروا عربية بيجو وقالوا للسواق : إحنا عاوزين نسافر القاهرة ... قال لهم بس انتم 8 والبيجو7 راكب بس ... قالوا له : مش مشكلة احنا هاننقى الجامد اللى فينا ونربطه فى البيجو وهو ياخدها جرى مع العربية
المهم السواق وافق وراحوا رابطين هريدى فى البيجو
السواق ماشى على 40 وهريدى شغال جرى
راح السواق مزود لـ 60 وهريدى برضه شغال جرى عادى جدا
راح مزود لـ 80 لقى هريدى ولا بيتأثر
راح مزود لـ 100 وهريدى برضه ما عندوش مشكلة
راح السواق بايعها بقى ومزود على 140 و مقفل العداد
لقى هريدى عمال يبربش بعينيه قوى
راح ضاحك قوى وقال لهم : صاحبكم باين عليه جاب جاز خلاص
قالوا له : لا ياعم ده بـيـبـربـش ... يعنى بيقـَلِب لك نور عشان تعديه


R carlos