لو مضايق ادخل والنكت تفرفشك

مرة كان في أرنب مريض وراسه يوجعه فقالت السلحفاة له انا راح اجيب لك بندول وبالفعل طلعت. ومر الوقت والارنب مريض ساعة ساعتين ثلاث خلص اليوم وفي اليوم الثاني صحا الارنب من النوم والسلحفاة لسة ما رجعت فطلع يتحرى وشافها لاقها لسة على بعد 100 متر فصرخ عليها وقال انا الغلطان اللي اعتمد على واحدة زيك فردت السلحفاة" احترم نفسك أحسن والله ما اروح

******************
واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحده اخدت الحبوب ومولدتش في المعاد فراحت للدكتور عملها ولاده قيصري ، لقى توام كل واحد بيعزم على التاني وبيقول له " اتفضل " التاني بيقوله " لا اتفضل انت الاول "

*******************

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب ما نجرى جنب تاكسى ونوفّر خمسة جنيه

*******************
بلدياتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه

********************

مسطول قابل واحد صاحبه متغاظ من امريكا، المسطول حب يهدي صاحبه قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو

********************

واحدة ست مسكت حرامى فى المطبخ ،فقالت لابنها روح إنده ابوك من على القهوة جه ابوه ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم

********************
البنت: لما نتجوز أنا عاوزة أشاركك فى كل مشاكلك و متاعبك و أخففها عنك.
الولد : لكن أنا ما عنديش مشاكل. البنت: أيوه لإننا لسة ما اتجوزناش

*********************

مرة عريس مسطول على الاخر في ليلة فرحة بعد ما المعازيم مشيت دخل غرفة النوم لقى العروسة قاعدة قال انا عارف في الزحمة دي هينسوا حد

*********************
ندل بيوصي عياله يكونوا في الحياة أندل منه ، تعب وهو في غرفة الإنعاش جت روحه تطلع وعاوز يودعهم قام واحد من عياله قفل بقه

********************

الزوج الجديد لزوجته: كنتى هتتجوزينى لو ما كانش بابا ساب لى كل الثروة دى
الزوجة: يا حبيبى أنا كنت هتجوزك بغض النظر مين اللى ساب لك الثروة

********************

الزوجة : إنت دايما شايل صورتى معاك و رايح بيها المكتب ...ليه؟
الزوج: لما بلاقى مشكلة مهما كانت معقدة ببص لصورتك ألاقيها اتحلت على طول.
الزوجة: شايف أنا أد إيه مهمة بالنسبالك. الزوج: أيوة...ببص فى صورتك و أقول لنفسى " إيه المشكلة اللى ممكن تكون أكبر من دى؟

نكت جميلة جدا ومنتظرين اكتر واكتر خلينه نفرفش يا باشا

بصراحه جمداه اوى يابرنس تسلمنا يا أسامه

من حلاوه النكت انا قريتها 3 مرات ههههههههههههه
بالذات بتاعه امريكا

تسلم ايدك يا اسامه بجد الواحد كان نفسه يضحك
ياريت يبقى فى اكتر

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه جميله اوى بس حكايه الصوره دىل تحفه وبتاعت العريس المسطول بس صراحه مبالغ فيها شويه فى عريس ينسى ان دى عروسته حتى لو كان مسطول ده هو بينسطل اصلا عشان ينسى انه بيتجنز بس برده مبينساش وبتاعت الصوره احنا مش مصايب اوى كده اما احنا مصايب امال الحموات هيبقوا ايه

لا مبالغ فيها ولا حاجه ده لسه لما يفوق ويتصدم الصدمه الكبرى
انه تزوج
هههههههههههههههههههههههههههه