حوار بين زوج وزوجته

هو: حبيبتي أنا هأطلب بيتزا ، عايزة حاجة ؟


هي: لا يا حبيبي


هو : اوكي
هي: ولا اقولك .؟


هو: ها ، أطلب لك كمان ؟


هي: مش عارفة


هو: مش عارفة اذا كنتي عايزة؟


هي: لا


هو: انتي جعانة ؟


هي: يعني


هو : يعني إيه يعني...؟


هي: يعني مش متأكدة اذا كنت جعانة ولا لأ
هو: الواحد لما بيكون جعان بيعرف


هي: لأ بس يمكن اجوع بعدين


هو: يعني اطلب لك بيتزا؟ء


هي: طيب واذا ما كنتش جعانة وقتها..؟ء


هو: ما تاكليش


هي : بس ده كدة يبقى تبذير


هو: خلاص ، تبقي تاكليها بكرة


هي: و اذا ما كانش لي نفس آكل بيتزا بكرة؟


هو: مش محتاجة نفس ، الواحد عادي ممكن ياكل بيتزا كل يوم


هي: انا لا .. أنا مش باكل بيتزا الا لما يكون عندي نفس للبيتزا


هو: طيب بلاش ، أطلب لك حاجة تانية؟


هي: بس أنا مش عايزة حاجة تانية


هو: يعني عايزة بيتزا؟ء


هي : لا


هو: يعني مش عايزة حاجة؟ء


هي: لأ برضه


هو : جننتيني ، طب أعمل إيه؟


هي: اطلب انت لنفسك


هو: الحمد لله ، اخيرا .. ماشي .


هي : بس اطلب بيتزا بالتونة


هو: نعم ؟ انا مش بحب البيتزا التونة


هي: بس انا بحبها


هو: وانتي مالك ؟ هو انا حاطلب ليا ولا ليكي


هي: ليك طبعا


هو: طيب أطلبها ليه بأة بالتونة...؟


هي: يمكن اجوع لما يوصل الاكل


هو : وبعدين؟ء


هي: يا سلام ، يعني تفتكر آكل حاجة مش عاجباني؟

هو: ليه هو انتي – أصلاً - عايزة تاكلي؟


هي : ليه لأ ؟

هو: يا مثبت العقل .. هو أنا حاطلب بيتزا لي , عشان احتمال انتي
تاكليها اذا كنتي جعانة؟؟


هي: بالضبط

هو: وأنا بلاش آكل؟


هي: يمكن وقتها أكون مش جعانة .. فتاكل انت ساعتها





ملحوظة




محكمة الجنايات قررت تبرئة الزوج من تهمةقتل الزوجة مع سبق الإصرار والترصد وتحويل التهمة إلى ..قتل الزوجة دفاعاً عن النفس



تحياتى............

يانهار اسود النهايه اشطه اوى ههههههههههههههه
انا جعت والله

ههههههههههههههههههههه نهايه سوده ههههههههههههههه

تحب تكلهات بالتونه ولا بالحمه انصحك بلاش تونه اخرتها وحشه هههههههههههههه

انا بحبها بالسوسيس

كويس بعيد عن التونه ابعت بقى هاتلى وهاتلك وبيبسى دايت بليز

من عند مين بتحبها

عايز من عند مين اؤمرنى

تسلم الامر لله طالما عزمنى بقى هاتلنا من عند دريم

اوكى افتحى الباب الراجل جه ولا لسه