البطاااااااااااااااااااااله......

- مفييش شغل .
- ما انتوا عارفين الى فيها ... البطاله .
- يعنى هو انا كنت لقيت شغل ومشتغلتش .
- يوو يعنى اضرب الارض تطلعلى شغل .

دى بعض الكلمات الى بيقولها برده بعض شبابنا اليومين دول ..

وانا شايفه بقا ان كلمه البطاله دى بقت اسهل كلمه ممكن يقولها شبابنا اليومين دول
وهما اصلا الى بيفضلوا قاعدين فى البيت .. من غير شغل

معذورين يا جماعه .. اصلهم لو اشتغلوا هيضيعوا وقت كبير جدا من وقتهم الثمين .
بالاخص الشباب المرهف .. الى بابا بينفذلهم كل طلباتهم .

- يا جماعه لو مفيش شغل فعلا .. الناس الى بنشوفها ماشيه فى الشوارع الصبح بدرى دى راييحين فين .
- الاطفال الى بنشوفهم ماشيين رايحين المدارس الصبح طول جايين منين
اكيد فى اسره وفى اب مسؤل .
- الناس الى بتتجوز كل يوم دول .. جابوا فلوس منين .. مش معقوله من بابا يعنى
طب هو بابا هيصرف عليه كمان بعد م اتجوز .. لا اكيد هو بيشتغل .

يعنى مثلا فكروا كده اسئلوا حد مش شغال ايه هو السبب فى كده
هيرد عليك رد بسيط جداا ..
هو انت مش من البلد دى والا ايه ؟ هو فى شغل يا عم ؟
ولو حتى قولتله لا فى شغل
هيقولك يعنى هشتغل ايه ؟؟ وحتى لو اشتغلت اى حاجه
هشتغل بكام 300 , 400 جنيه .. يا عم ده انا بصرف اكتر من منهم فى الشهر
يبقى قعدتى دى احسن والا مش احسن !!!
الواد لسه عاوز يكون نفسه .. انا بقا هكون نفسى بال 400 جنيه دول

( لا طبعا .. هيكون نفسه يقعدته فى البيت وجمب اصحابه )

- غير كده بقا هيقولك انا مثلا خريج حقوق - تجاره - طب .
طب يا عم اما انت حلو اوى كده

يعنى هو انت كنت اتولدت لقيت نفسك خريج طب والا حقوق والا تجاره
م انت قبلها برده كنت فى حضانه - ابتدائى - اعدادى - ثانوى
يعنى عديت بمراحل ودرجات لحد م وصلت لانك دلوقتى خريج طب ..

طب ليه برده نبدأ من الصفر .. يا جماعه الى عاوز يحقق اى هدف ليه
هيطلع السلم من اوله .. درجه .. درجه .. مفيش حاجه بتيجى مره واحده
ومن جد وجد .. ومن زرع حصد .. مفيش ثمره بتطرح من غير بذره

- يا جماعه انا عارفه ان فعلا مفيش شغل .. وبنسبه كبيره كمان
بس كمان فى شغل للناس الى بتتعب وبتدور بجديه ..
والى عارفه ان الحياه .. درجاااااااااااااااات .
مع احترامى للشباب الجدين طبعا مش كل الشباب كده فيهم الى عايز يكافح ويشتغل ومش عيب ولا حرام لو بدئنا من الصفر حتى لو اشتغالنا فى شغلانه بسيطه واحده واحده هانوصل للى احنا عايزينه لكن طول محنا مكسلين عمرنا ماهنوصل لى اى حاجه مش عايزه حد يزعل منى الكلام اللى فى الموضوع طبعا للشباب اللى مطنشه للدنيا ومعدمته على بابا وماما

مستنيه اراكم فى الموضوع

هايل دخلنه فى الشغل الجامد ده من اهم مواضيع العالم كله موضوع البطاله هوه صحيح مافيش شغل والبلد بايظه ومحدش بيشتغل فى مجاله دلوقتى بس هنعمل ايه مش مفروض اننه نستسلم ونقول خلاص لازم نحاول مره واتنين ومائه لغايه اما نوصل ان الله لا يضيع اجر من احسن عمل واسعا يا عبد وانا اسعا معاك لازم تحاول وتبدأ من البدايه مرتب بسيط مش مشكله فى دلوقتى شباب بتطلب انهه تشتغل ببلاش علشان تتعلم وهوه ده الشباب اللى بيكافح وربنا بيجازيه لاكن الشباب اللى بيستسلم ده هيفضل طول عمره كده ومش هيوصل لاى حاجه ابدا فكروا كويس واحسبوهه صح وتسلمى يا اميرة ونتظرين المزيد