مصرع سيجاره"
الصحفى:اهلا وسهلا ازاى حضرتك
السيجاره:اهلا بيك الحمد لله على كل شىء
الصحفى:مالك ياسيجاره زعلانه ليه تسمحيلى
اقولك ياسيجاره كده حاف
السيجاره:حاف والا بعيش مش هتفرق ياأستاذ
اللى مزعلنى حاجات كتيره
اوى هتقدر تعد معايه
والا مش بتعرف تعد؟
الصحفى:لا طبعا ياسيجاره بعرف اعد كويس انا اخدتها
فى المدرسه
السيجاره:شكلك ابن ذوات ومحترم وهتقرفنى0بص ياسيدى
عد بقى معايه,اول حاجه الشباب اللى كانوا بيشربونى
جاتلهم التقوى وهيبطلونى,بذمتك مش حاجه تزعل؟
الصحفى:انا شايف انها متزعلش دا كده كويس جدا
السيجاره:تجيلك ضربه فى زورك ياأخى
الصحفى:نعم ,بتقولى حاجه؟
السيجاره:لا دا انا بقولك بيتهيألك دا انا كنت مستعبداهم
كانوا زى مايكونوا شغالين عندى ببلاش
الصحفى:اه وايه كمان؟
السيجاره:تانى حاجه بقى الأطفال اللى كانوا بيجربونى
مره مبقوش بيجربونى كل ده بسبب
حملات التوعيه على التليفزيون والشارع
وفى المدارس وكمان الجماعات اللى ظهرت
جديده دىزى"ضياع الحياه"
الصحفى:اه, تقصدى صناع الحياه
السيجاره:ايوه ياأخويه باين كده
كان الواحد حاسس انه زعيم العصابه
هو اللى بيحرك الكل لكن دلوقتى خلاص
بقى راحت عليه معندكش حل ليه ياسى الأستاذ؟
الصحفى:عندى حل حلو اوى ليكى عارفه ايه هو
السيجاره:ايه هو ياسيدى؟
الصحفى :هقولهولك بس لما تقوليلى انت بتعملى ايه
فى اللى بيشربوكى.
السيجاره:ابدا ياأخويه مكنتش بعمل حاجه
كنت بس بجبلهم كحه وشويه وتقلب
بإلتهاب رئوى وبعدين سرطان على
الرئه ويمكن تليف كبدى وأكيد تشوه فى
الأجنه يعنى فى الأخر بيبقى هيكل
عظمى بس كده.
الصحفى:بس كده
السيجاره:اه والله بس قولى بقى ايه الحل
علشان استعبدهم تانى
الصحفى:مفيش غير حل واحد بس انك
تموتى للابد
موتى موتى وريحينا وبكده نكون نقلنا لحضراتكم
مصرع سيجاره على يد الصحفى الشجاع
وشكرااااااااااااااا
يارب يعجبكم ومستنيه ردودكم
موضوع: مصرع سيجاره 
الخميس أبريل 23, 2009 1:16 pm
